gt vs srh : ઈન્ડિયન પ્રીમિયર લીગ જીટી વિ એસઆરએચ 2022: ઈન્ડિયન પ્રીમિયર લીગ (આઈપીએલ) 2022 માં બુધવારે ગુજરાત ટાઇટન્સ અને સનરાઈઝર્સ હૈદરાબાદ વચ્ચે રોમાંચક મેચ જોવા મળી હતી.
સનરાઈઝર્સ હૈદરાબાદનો ઝડપી બોલર ઉમરાન મલિક પાંચ વિકેટ લઈને મેન ઓફ ધ મેચ બન્યો હતો, પરંતુ ગુજરાત ટાઇટન્સે વિજય નોંધાવ્યો હતો અને પોઈન્ટ ટેબલમાં ટોચ પર પહોંચી હતી.
ઉમરાનની આ ઈનિંગથી પર્પલ કેપની રેસ ઘણી રોમાંચક બની ગઈ છે.
બીજી તરફ ઓરેન્જ કેપ પર જોસ બટલરનો કબજો અકબંધ છે, પરંતુ હાર્દિક પંડ્યા ટોપ-3માં પ્રવેશી ગયો છે.
આ મેચમાં હાર્દિક 10 રન જ બનાવી શક્યો હતો, પરંતુ આ સાથે તેણે 300 રનનો આંકડો પાર કરી લીધો હતો.
મેચની વાત કરીએ તો, સનરાઇઝર્સ હૈદરાબાદે પ્રથમ બેટિંગ કરતા 20 ઓવરમાં 6 વિકેટે 195 રન બનાવ્યા હતા, જેના જવાબમાં ગુજરાત ટાઇટન્સે 20 ઓવરમાં પાંચ વિકેટે 199 રન બનાવીને મેચ જીતી લીધી હતી.
રાશિદ ખાને છેલ્લા બોલે સિક્સર ફટકારીને ગુજરાત ટાઇટન્સને સાતમી જીત અપાવી હતી.
ગુજરાત ટાઇટન્સે અત્યાર સુધી આઠ મેચ રમી છે અને માત્ર એક મેચમાં તેને હારનો સામનો કરવો પડ્યો છે.
હાર્દિક પંડ્યાની કપ્તાનીવાળી ગુજરાત ટાઇટન્સ પોઈન્ટ ટેબલમાં ટોપ પર છે.
IPL સિઝનમાં સૌથી વધુ રન બનાવનાર ખેલાડીને ઓરેન્જ કેપ મળે છે, જ્યારે સૌથી વધુ વિકેટ લેનાર ખેલાડીને પર્પલ કેપ મળે છે.
